Din is-sena l-iskola tagħna ntgħażlet biex tieħu sehem fl-EkoParlament. It-tema tagħna kienet il-BIJODIVERSITÀ - din il-kelma twila u tqila tfisser, il-ħlejjaq u pjanti differenti kollha li hawn madwarna.
Wara li ddiskutejna flimkien wieħed mill-affarijiet li għamilna kien dan il-filmat qasir. Xi tfal tal-Yr 3 ħadu ħsieb ix-xenarju oħrajn ħadu ħsieb jagħmlu l-figuri bil-plasticine imbagħad bil-għajnuna ta' xi tfal tal-Yr 2 mexxejna dawn il-figuri tal-plasticine biex għamilna l-vidjo.
Arawh u għidulna x'taħsbu!!
L-Erbgħa, 27 ta’ Mejju 2009
It-Tnejn, 18 ta’ Mejju 2009
Nitgħallmu dwar l-enerġija!
Omar u Jacob reġgħu għamlu lezzjoni verament interessanti. Din id-darba s-suġġett huwa l-enerġija. Ejja narawha flimkien ħalli nitgħallmu dwar l-enerġija!
L-enerġija
View more presentations from ekoskolateacher.
It-Tnejn, 20 ta’ April 2009
Fniek tal-Għid!
Fi żmien l-Għid it-tfal tal-klassi ta' Ms. Herbert għamlu dawn il-fniek ħelwin. Dawn saru minn affarijiet kollha użati. It-tpinġija tal-fenek saret fuq karti li minn naħa kienu użati li mbagħad waħħlu fuq kartonċin tal-kaxxi taċ-ċereali. Biex il-fenek ikun jista' jżomm fuq saqajh minn wara waħħlu roll tat-toilet paper u min jaf, forsi għax ħadu ħsieb l-ambjent il-fenek ħbielhom xi sopriża!
L-Erbgħa, 1 ta’ April 2009
Il-Pingwini
L-aħħar lezzjoni li għamlu Jacob u Omar kienet dwar il-Pingwini. Anke jekk Malta m'għandiex Pingwini xorta waħda tajjeb li nitgħallmu dwarhom għax jekk inniġġsu l-baħar inkunu mhux biss qed nagħmlu ħsara lill-baħar ta' madwarna imma wkoll lill-baħar li qiegħed 'il bogħod.
Mhux it-tniġġis tal-baħar biss li qed jagħmel ħsara lill-pingwini imma anke it-tibdil tal-klima. Minħabba ħafna sħana s-silġ idub u jista' jasal żmien meta l-pingwini ma jkollhomx iżjed fejn joqogħdu. Mela rridu nieħdu ħsieb ta' kollox anke jekk b'affarijiet żgħar għax l-effett jista' jkun wieħed kbir.
Isimgħu lil Omar u Jacob jgħallmuna dwar il-Pingwini.
Mhux it-tniġġis tal-baħar biss li qed jagħmel ħsara lill-pingwini imma anke it-tibdil tal-klima. Minħabba ħafna sħana s-silġ idub u jista' jasal żmien meta l-pingwini ma jkollhomx iżjed fejn joqogħdu. Mela rridu nieħdu ħsieb ta' kollox anke jekk b'affarijiet żgħar għax l-effett jista' jkun wieħed kbir.
Isimgħu lil Omar u Jacob jgħallmuna dwar il-Pingwini.
L-Erbgħa, 25 ta’ Marzu 2009
Inżel xita inżel
Xi tfal tal-ewwel sena ta' Mrs. Grech ġiethom l-idea li jiġbru l-ilma tax-xita fil-fliexken biex ikunu jistgħu jużawh għat-tisqija tal-pjanti fil-klassi. Din idea vera tajba għax aħna fl-iskola tagħna m'għandniex fejn niġbru l-ilma tax-xita. Li jkollna xi ġiebja jew bir hija x-xewqa tal-kumitat Ekoskola imma minħabba li dawn jiswew ħafna flus u mhux ser isiru malajr, għalissa ninqdew bil-fliexken.
It-Tlieta, 24 ta’ Marzu 2009
L-Insetti u l-Ambjent
It-tfal tat-tieni klassi ta' Ms. Galea għamlu ħafna affarijiet sbieħ fuq l-insetti. Hemm ħafna nsetti li jagħmlu l-ġid.Il-farfett u n-naħla jduru fuq il-fjuri u jdakkruhom allura jkollna iżjed fjuri differenti, sbieħ u jfuħu.
In-naħla ddakkar ukoll is-siġar tal-frott u b'hekk ikollna ħafna frott tajjeb x'nieklu.
Il-brimba taqbad insetti oħrajn fosthom dawk li jdejquna bħad-dubbien u n-nemus.
Kien hemm tfal bħal Jodie Grixti, Jean Claude Sacco u Milena Bianco li tant interessaw ruħhom li d-dar għamlu xi chart jew fittxew xi informazzjoni u għamlu ktejjeb żgħir.
Fost l-affarijiet interessanti li saru kien hemm kanzunetti dwar l-insetti li t-tfal qed ikantaw dwarhom f'dawn ir-ritratti.Viva l-insetti!!!
Ikel għall-annimali
Fl-iskola tagħna ġbarna ħafna ikel għall-annimali. Dawn l-annimali żżommhom waħda mara li għandha dar kbira hawnhekk, f'Birżebbuġa. Din il-mara ġieli ġiet l-iskola tkellimna dwar l-annimali. F'din id-dar għandha iżjed minn 80 kelb u qattus.
Dawn il-klieb u qtates iridu jieklu kuljum allura jkun hemm bżonn ħafna ikel. Ħafna tfal ġabu xi affarijiet u bihom imlejna iżjed minn 3 kaxxi kbar. Fir-ritratt ta' fuq qed naraw lit-tfal jimlew il-kaxxi, lill-mara li tieħu ħsieb id-dar u lill-kap tal-iskola, Ms. Spiteri.
F'dan ir-ritratt qed naraw lill-iżjed klassi li ġabru ikel (ta' Ms. Sciberras) flimkien ma' din il-mara li tieħu ħsieb dawn il-klieb. Prosit tassew tfal!!
Il-Ħamis, 19 ta’ Marzu 2009
Iż-Żwiemel tal-Baħar
Waħda mil-lezzjonijiet li għamlu Omar u Jacob lit-tfal tal-klassi tagħhom kienet dwar iż-Żwiemel tal-Baħar. Jekk ma tantx tafu dwarhom araw din il-photostory li ppreparawlna huma!
Prosit Omar u Jacob!!
Prosit Omar u Jacob!!
It-Tnejn, 9 ta’ Marzu 2009
Karozzi u vannijiet
Xi tfal mill-klassi tal-ewwel sena ta’ Mrs. Fenech għamlu karozzi vera sbieħ!
Dawn il-karozzi jew vannijiet għamluhom bil-kartun tal-ħalib u kaxxi oħra użati. Wara ksewhom bil-karti użati u kien hemm min anke waħħal xi roti. Dawn saru mit-tfal wara li fil-klassi kienu tkellmu fuq il-gugarelli.
Bravi tfal!
Dawn il-karozzi jew vannijiet għamluhom bil-kartun tal-ħalib u kaxxi oħra użati. Wara ksewhom bil-karti użati u kien hemm min anke waħħal xi roti. Dawn saru mit-tfal wara li fil-klassi kienu tkellmu fuq il-gugarelli.
Bravi tfal!
Mit-Tfal għat-Tfal
Jacob u Omar Elaida mill-klassi tat-tielet sena ta’ spiss qed jippreparaw lezzjonijiet interessanti ħafna għat-tfal tal-klassi tagħhom.
Jagħmlu wkoll xi logħob jew mistoqsijiet li għandhom x’jaqsmu, bil-għajnuna ta' sħabhom.
Dawn it-tfal qed jagħmlu dan biex il-ħbieb tal-klassi tagħhom jitgħallmu ħafna dwar l-ambjent ukoll.
Is-suġġett ta’ din il-ġimgħa kien: It-tniġġis tal-baħar.
Isimgħuhom jispjegaw x'jagħmlu.
Jagħmlu wkoll xi logħob jew mistoqsijiet li għandhom x’jaqsmu, bil-għajnuna ta' sħabhom.
Dawn it-tfal qed jagħmlu dan biex il-ħbieb tal-klassi tagħhom jitgħallmu ħafna dwar l-ambjent ukoll.
Is-suġġett ta’ din il-ġimgħa kien: It-tniġġis tal-baħar.
Isimgħuhom jispjegaw x'jagħmlu.
Il-Ħamis, 5 ta’ Marzu 2009
Nisseparaw l-Iskart fil-Klassi
Fil-Klassijiet kollha tal-iskola tagħna t-tfal u l-għalliema ħadu ħsieb li jkun hemm postijiet fejn l-iskart tal-klassi jkun mormi bis-sens. Bradley Aquilina u Katrina Cassar (tal-1 sena) ħadu ħsieb li fil-klassi tagħhom ikun hemm kaxxi li fihom jistgħu jarmu l-iskart u jisseparawh fl-istess ħin. Huma ħadu gost jagħmlu dawn il-kaxxi sbieħ ukoll.
Salvatore ġietu l-idea li jagħmel kaxxa biex fiha jinġabru xi ġugarelli jew affarijiet oħra mkissrin ukoll.
Salvatore ġietu l-idea li jagħmel kaxxa biex fiha jinġabru xi ġugarelli jew affarijiet oħra mkissrin ukoll.
Isimgħu lil Katrina u lil Bradley jgħidulna kif u għaliex għamlu l-kaxxi!
Il-Ġimgħa, 30 ta’ Jannar 2009
- Batteriji użati
Kylie Brincat u Andrè Tanti (mill-1 sena) qalulna hekk:
"Aħna nġibu l-batteriji biex ma jagħmlux ħsara lill-ambjent. Inġibuhom l-iskola u narmuhom ġol-bin apposta għall-batteriji. Fil-bin kien hemm ħafna batteriji."
Il-batteriji ma narmuhomx ma' skart ieħor għax dawn jistgħu jagħmlu ħsara kbira kif qalulna Kylie u Andrè. Dawn il-batteriji jinġabru mill-Wasteserv u huma jżommuhom f'post apposta fejn ma jkunux jistgħu jagħmlu ħsara.
Biex innaqqsu ftit mill-iskart tal-batteriji nistgħu nużaw batteriji li jerġgħu jiċċarġjaw ħalli nużawhom ħafna drabi.
Ngħidu prosit lil Kylie u lil Andrè u lil dawk it-tfal kollha li ġieli ġabu xi batteriji!!!
Il-Ħamis, 29 ta’ Jannar 2009
- Iżjed Inizjattivi
Nicole Felice u Aidan Vella, żewġt itfal tat-tielet sena, għamlu żewġ charts id-dar. Wara li fil-klassi kienu tkellmu dwar dawn is-suġġetti, marru d-dar u mingħajr ma qalilhom ħadd qagħdu jfittxu ftit informazzjoni biex jagħmlu dawn iċ-charts. Nicole għamlitha fuq is-siġar u Aidan fuq ir-riċiklaġġ. Prosit tassew!
It-Tlieta, 27 ta’ Jannar 2009
- Il-Frott
Fil-klassi tagħna (tat-3 sena) għamilna ġurnata tal-frott. Ħafna tfal ġabu l-frott imbagħad qsamnieh bejnietna u għamilna fruit salad. Wara ktibna 5 sentenzi fuq il-frott.
Il-frott huwa importanti li nikluh għax fih is-sustanzi
L-aħjar li tiekol 5 frottiet kuljum.
Ċertu frott irid jinħasel minħabba l-bexx.
Hawn ċertu frott li nsibuh fis-sajf.
L-iżjed frott favorit tiegħi huwa d-dulliegħ u l-bettieħ.
Nicole Briffa
Il-frott huwa sustanzjuż għaliex fih il-vitamini.
Suppost nieklu l-frott kuljum.
Il-frott huwa tajjeb għal saħħitna.
Il-frott li jogħġobni huwa l-frawli, ħawħ, banana u tuffieħ.
Il-frott irridu niħduh ħalli ma nimirdux.
Michael Farrugia
It-Tnejn, 19 ta’ Jannar 2009
- L-Istorja tad-Dudu
Hawn taħt hawn storja qasira li kiteb Liam Farrugia (fit-2 sena) dwar ix-xagħat jew kif nafuh iżjed bl-Ingliż il-caterpillar.
Importanti li meta naraw xi xagħat ma noqtluhx għax dan isir farfett u jekk noqtluhom ma jkollniex iżjed friefet sbieħ itiru fuq il-fjuri!
L-għalliema qratilna storja fuq dudu.
Id-dudu kellu ħafna ġuħ.
L-istorja kienet sabiħa.
Wara l-istorja għamilna dudu.
Id-dudu għamilnieh bil-kartonċin tal-pakketti taċ-ċereali.
Id-dudu għamilnieh ħdejn it-tieqa.
Id-dudu kien sabiħ.
Id-dudu pinġejnieh aħdar.
Meta jikber id-dudu jsir farfett.
Ittajpjata minn:
Liam Farrugia u Desireè Polidano
Il-Ħadd, 11 ta’ Jannar 2009
- Siġra tal-Milied minn affarijiet riċiklati.
Proġett kbir li għamilna dan il-Milied kienet Is-Siġra tal-Milied magħmula kollha kemm hi minn affarijiet użati. Ħafna tfal minn klassijiet differenti ħadu sehem f'dan il-proġett billi ġabu l-materjali li użajna. Ħafna tfal ġew waqt il-ħin tal-brejk biex jgħinu ħalli din is-siġra titlesta.
Proġett kbir li għamilna dan il-Milied kienet Is-Siġra tal-Milied magħmula kollha kemm hi minn affarijiet użati. Ħafna tfal minn klassijiet differenti ħadu sehem f'dan il-proġett billi ġabu l-materjali li użajna. Ħafna tfal ġew waqt il-ħin tal-brejk biex jgħinu ħalli din is-siġra titlesta.
Is-siġra saret minn ħafna fliexken tal-plastik li ġabu t-tfal. Kienu ħafna dawk it-tfal li ġabu l-fliexen.
Biex waħħalna kollox m'użajna xejn ħlief glue gun.
Bħala qasrija użajna barmil miksi b’foam irqiq li jippakkjaw l-affarijiet fih biex ma jinkisrux meta nixtru xi ħaġa. Dan żejjinnieh b’ħafna karti kkuluriti minn magazins.
L-anġlu sabiħ ta’ fuq is-siġra sar minn flixkun tal-plastik miksi bil-boroż użati. Il-ġwienaħ mill-istess materjal li ksejna l-barmil bih u għar-raġġiera użajna l-burdura ta’ kontenitur tal-fojl. Biex joqgħod sew fuq is-siġra l-anġlu twaħħal ma’ CD ħażina.
Il-Ġimgħa, 9 ta’ Jannar 2009
- EkoMilied
Dan il-Milied, il-Kumitat EkoSkola qabel li kulħadd ser joqgħod attent għall-affarijiet li jintużaw f'dan iż-żmien biex, kemm jista' jkun, nagħżlu affarijiet li ma jagħmlux ħsara lill-ambjent. Għamilna enfasi wkoll fuq l-użu mill-ġdid ta' affarijiet użati. Hawn taħt ser taraw ftit eżempji tax-xogħol li għamilna.
Dekorazzjonijiet
Dawn huma xi dekorazzjonijiet li saru. It-tfal użaw il-kartun tal-pakketti użati taċ-ċereali. Biex il-figuri jkunu jistgħu jżommu dritti użaw rollijiet tat-toilet paper.
Anġli tal-Milied.
Biex saru dawn l-anġli sbieħ intuża l-kartun tal-pakketti taċ-ċereali wkoll.
Kartolini
Xi tfal tal-klassi tat-tieni sena għamlu kartolini tal-Milied sbieħ ħafna. Biex għamlu l-kartolini użaw karti li minn wara kienu diġà użati. Dawn il-kartolini bagħtuhom lil tifel li huwa marid. Dan it-tifel joqgħod il-Polonja.
Iżjed Kartolini....
It-tfal tal-klassijiet tal-Kinder użaw kartolini tal-Milied antiki biex għamlu dekorazzjonijiet jew kartolini oħra sbieħ ħafna.
Iżjed Affarijiet ....
Collage mir-wrapping paper użati.
Stilla tal-Milied bil-fojl użat.
Katini tal-Karti
It-tfal tal-kindergarten għamlu katini bil-karti użati biex iżejnu bihom. Dawn il-karti żebgħuhom, qasqsuhom imbagħad waħħluhom flimkien biex jagħmlu katina twila.
Inizjattivi
Xi tfal ħadu l-inizjattiva u d-dar għamlu xi dekorazzjonijiet tal-Milied minn affarijiet użati. Dawn huma xi wħud.
James għamel qanpiena tal-Milied. Din il-qanpiena sabiħa għamilha b’tazza tal-yoghurt u biex għamel il-manku uża karta ħażina. Wara li waħħal kollox flimkien kesa kollox b’karta kkulurita tal-Milied użata. Matthew għamel dawn il-qniepen żgħar għal mas-siġra tal-Milied. Dawn għamilhom mill-għotjien tal-yoghurt. Prosit lil dawk kollha li ġabu xi affarijiet li għamlu d-dar!!
Dekorazzjonijiet
Dawn huma xi dekorazzjonijiet li saru. It-tfal użaw il-kartun tal-pakketti użati taċ-ċereali. Biex il-figuri jkunu jistgħu jżommu dritti użaw rollijiet tat-toilet paper.
Anġli tal-Milied.
Biex saru dawn l-anġli sbieħ intuża l-kartun tal-pakketti taċ-ċereali wkoll.
Kartolini
Xi tfal tal-klassi tat-tieni sena għamlu kartolini tal-Milied sbieħ ħafna. Biex għamlu l-kartolini użaw karti li minn wara kienu diġà użati. Dawn il-kartolini bagħtuhom lil tifel li huwa marid. Dan it-tifel joqgħod il-Polonja.
Iżjed Kartolini....
It-tfal tal-klassijiet tal-Kinder użaw kartolini tal-Milied antiki biex għamlu dekorazzjonijiet jew kartolini oħra sbieħ ħafna.
Iżjed Affarijiet ....
Collage mir-wrapping paper użati.
Stilla tal-Milied bil-fojl użat.Katini tal-Karti
It-tfal tal-kindergarten għamlu katini bil-karti użati biex iżejnu bihom. Dawn il-karti żebgħuhom, qasqsuhom imbagħad waħħluhom flimkien biex jagħmlu katina twila.
Inizjattivi
Xi tfal ħadu l-inizjattiva u d-dar għamlu xi dekorazzjonijiet tal-Milied minn affarijiet użati. Dawn huma xi wħud.
James għamel qanpiena tal-Milied. Din il-qanpiena sabiħa għamilha b’tazza tal-yoghurt u biex għamel il-manku uża karta ħażina. Wara li waħħal kollox flimkien kesa kollox b’karta kkulurita tal-Milied użata. Matthew għamel dawn il-qniepen żgħar għal mas-siġra tal-Milied. Dawn għamilhom mill-għotjien tal-yoghurt. Prosit lil dawk kollha li ġabu xi affarijiet li għamlu d-dar!!
Subscribe to:
Posts (Atom)
